Alam kong mamamalagi ang lahat ng ginawa ng Diyos: wala nang kailangang idagdag, wala ring dapat bawasin. Gayon ang ginawa ng Diyos upang ang tao'y magkaroon ng takot sa kanya.

Hindi natin matatarok ang kahulugan ng buhay. Napakahiwaga nito para natin maunawaan.

Ako'y sasaiyo, huwag kang matakot,     ako ang iyong Diyos, hindi ka dapat mangamba. Palalakasin kita at tutulungan,     iingatan at ililigtas.

Israel, ito ang sinasabi ni Yahweh na lumikha sa iyo, “Huwag kang matatakot sapagkat ililigtas kita.     Tinawag kita sa iyong pangalan, ikaw ay akin.

Sasabihin naman ni Yahweh, “Sa salita lamang malapit sa akin ang mga taong ito,     at sa bibig lamang nila ako iginagalang,     subalit inilayo nila sa akin ang kanilang puso, at ayon lamang sa utos ng tao ang kanilang paglilingkod.

Mananahan sa kanya ang Espiritu ni Yahweh,     ang espiritu ng karunungan at pang-unawa,     ng mabuting payo at kalakasan,     kaalaman at pagsunod at paggalang kay Yahweh.

Sinabi niya, “Huwag kayong maniwala sa sabwatan na sinasabi ng bansang ito;     huwag kayong matakot sa kanilang kinatatakutan.

Magtatago sila sa mga yungib na bato at sa mga hukay     upang makaiwas sa poot ni Yahweh, at sa kaluwalhatian ng kanyang karangalan.

Ngunit si Yahweh, ang Makapangyarihan sa lahat, ang dapat ninyong kilalanin bilang Banal.     Siya ang dapat ninyong igalang at dapat katakutan.

Kagalakan niya ang sumunod at gumalang kay Yahweh. Hindi siya hahatol ayon sa kanyang nakita,     o magpapasya batay sa kanyang narinig.