வரைக்காட்சிப் படலம் - 956

956.

துன் அரம்பை நிரம்பிய. தொல் வரை.
துன் அரம்பையர் ஊருவின் தோன்றுமால்;
கின்னரம் பயில் கீதங்கள் என்ன. ஆங்கு.
இன் நரம்பு அயில்கின்றனர். ஏழைமார்.
 
தொல் வரை - பழைய அந்த மலையில்; துன் அரம்பை நெருங்கி
வளர்ந்த வாழைகள்; நிரம்பிய - நிரம்பியவை; துன்னு அரம்பையர்-
(அங்கு)  வந்துள்ள  தெய்வப்  பெண்களின்;  ஊருவின் தோன்றும் -
தொடை  போலத்   தோன்றுவன  (அங்கு);  ஏழைமார்  -  மாதர்கள்;
கின்னரம்  பயில்  -  கின்னரம்  என்ற  தேவ  சாதியார்  பாடுகின்ற;
கீதங்கள்  என்ன  -   இனிய  பாடல்  என்று  சொல்லும்படி  (அந்த
மலையில்);    இன்   நரம்பு   -   யாழினை;    அயில்கின்றனர்-
மீட்டுகின்றார்கள். 

மகளிரின்     தொடைக்கு    உவமையாகும்.    வாழை    இங்கே
உவமேயமாகவும்.   தொடை   உவமானமாகவும்   சொல்லப்பெற்றன  -
எதிர்நிலையுவமையணி.                                       29