496,నా దీపము - యేసయ్యా నీవు

నా దీపము - యేసయ్యా నీవు వెలిగించినావు
సుడిగాలిలోనైనా జడివానలోనైన
ఆరిపోదులే నీవు వెలిగించిన దీపము
నీవు వెలిగించిన దీపము - నీవు వెలిగించిన దీపము

1.ఆరని దీపమై దేదీప్యమానమై
నా హృదయ కోవెలపై దీపాల తోరణమై
చేశావు పండుగ - వెలిగావు నిండుగా

2.మారని నీ కృప నను వీడనన్నది
మర్మాల బడిలోన సేద దీర్చుచున్నది
మ్రోగించుచున్నది - ప్రతిచోట సాక్షిగా

3.ఆగని హోరులో ఆరిన నేలపై
నా ముందు వెలసితివే సైన్యములకధిపతివై
పరాక్రమశాలివై - నడిచావు కాపరిగా