196,నీ మాట నా పాటగా అనుక్షణం పాడనీ

నీ మాట నా పాటగా అనుక్షణం పాడనీ
లోకాన నిను చాటగా నా స్వరం వాడనీ
అ.ప.: నా గీతం ఆత్మలను నీవైపే ఆకర్షించనీ
ఆదరణ కలిగించి నీలోనే ప్రహర్షించనీ

1.ఏ చోట గళమెత్తినా నీ ప్రేమ ధ్వనియించనీ
పాడేటి ప్రతి పాటలో నీ రూపు కనిపించనీ
వినిపించుచున్నప్పుడే ఉద్రేకమును రేపక
స్థిరమైన ఉజ్జీవము లోలోన రగిలించనీ ||నా గీతం||

2.నీ దివ్య గానామృతం జలధారలుగ పొంగనీ
తాకేటి ప్రతివారిని ఫలవంతముగ మార్చనీ
శృతిలయలు లోపించక విసిగింపు కలిగించక
నిజమైన ఉల్లాసమై నిలువెల్ల కదలించనీ ||నా గీతం||

3.ఆత్మీయగీతాలతో తనువంత పులకంచనీ
సంగీతమే బోధయై కనువిప్పు కలిగించనీ
ఆలక్ష్యయం కోసమే పరిమితము కాకుండగ            
హృధయాల్లో నివసించుచూ కార్యాలు జరిగించనీ ||నా గీతం||