బ్రహ్మ కడిగిన పాదము

    "బ్రహ్మ కడిగిన పాదము:

బ్రహ్మ కడిగిన పాదము
బ్రహ్మము తానెని పాదము |

చెలగి వసుధ కొలిచిన నీ పాదము
బలి తల మోపిన పాదము |
తలకగ గగనము తన్నిన పాదము
బలరిపు గాచిన పాదము ||

కామిని పాపము కడిగిన పాదము
పాము తల నిడిన పాదము |
ప్రేమతో శ్రీసతి పిసికెడి పాదము
పామిడి తురగపు పాదము ||

పరమ యోగులకు పరి పరి విధముల
వర మొసగెడి నీ పాదము |
తిరు వేంకటగిరి తిరమని చూపిన
పరమ పదము నీ పాదము ||"