నానాటి బదుకు నాటకము
"నానాటి బదుకు నాటకము:
నానాటి బదుకు నాటకము |
కానక కన్నది కైవల్యము ||
పుట్టుటయు నిజము పోవుటయు నిజము |
నట్టనడిమి పని నాటకము |
యెట్టనెదుట గలదీ ప్రపంచము |
కట్టగడపటిది కైవల్యము ||
కుడిచేదన్నము కోకచుట్టెడిది |
నడమంత్రపు పని నాటకము |
వొడిగట్టుకొనిన వుభయ కర్మములు |
గడిదాటినపుడె కైవల్యము ||
తెగదు పాపము తీరదు పుణ్యము |
నగి నగి కాలము నాటకము |
యెగువనె శ్రీ వేంకటేశ్వరుడేలిక |
గగనము మీదిది కైవల్యము ||
"
