எழுச்சிப் படலம் - 853

பப்பரர் செல்லுதல்

பப்பரர் பாரம் சுமந்து செல்லுதல்
 
853.    

அரத்த நோக்கினர். அல் திரள் மேனியர்.
பரித்த காவினர். பப்பரர் ஏகினார் -
திருத்து கூடத்தைத் திண் கணையத்தொடும்
எருத்தின் ஏந்திய மால் களிறு என்னவே.
 
அரத்த    நோக்கினர்- சிவந்த கண்களையுடையவர்களும்;  அல்
திரள்   மேனியர்   -   இருள்   சேர்ந்தாற்   போன்ற   மேனியை
உடையவர்களுமாகிய; பப்பரர் - பப்பர தேசத்தவர்; திருத்து கூடத்தை
- தன்னைக் கட்டி வைத்திருக்கும் கட்டுத் தறியையும்;  திண் கணையத்
தோடும்   -   வேகமாகச்  செல்லமுடியாதபடி  தடைசெய்யும்   வலிய
கணையமரத்தையும்;  எருத்தின்  ஏந்திய  - (தம்) பிடரியில்  தாங்கிய;
மால் களிறு  என்ன - மதயானை போல; பரித்த காவினர் - காவடித்
தண்டினைச் சுமந்தவர்களாய்; ஏகினார் - சென்றார்கள்.

தோளில்    காவடித் தண்டினைத் தூக்கிய பப்பரர்களுக்குக் கணைய
மரத்தைத்  தூக்கிய  யானை  உவமையாயிற்று.  கா:  காவடித்   தண்டு.
கணையம்:  யானைகள்  ஒன்றோடு  ஒன்று  முட்டிக்     கொள்ளாதபடி
குறுக்காக இடப்படும் மரம்.                                   37