உண்டாட்டுப் படலம் - 1082

ஒருவன் ஊடற்காலத்து உதையால் மயிர் சிலிர்த்தல்

1082.    

விதைத்த மென் காதலின் வித்து. வெஞ் சிறை
இதைப் புனல் நனைத்திட முளைத்ததே என -
பதைத்தனள். ஒருத்தன்மேல். ஒருத்தி பஞ்சு அடி
உதைத்தலும். - பொடித்தன. உரோம ராசியே.
 
ஒருத்தி. பதைத்தனள் ஒருத்தன் மேல் பஞ்சு அடிஉதைத்தலும்-
ஒரு    மங்கை.     (தன்     கணவன்மேல்    கொண்ட   ஊடலால்)
பதைபதைத்தவளாகி.   அவனைத்   தன்   பஞ்சனைய   மெல்லடியால்
உதைத்தவுடன்;  வெஞ்சிறை   இதைப்புனல்  நனைத்திட  -  கடிய
வேலியையுடைய     (உடம்பாகிய)     தினைப்புனத்தில்    (உதையால்
உண்டாகிய  இன்பப் புனல்) நனைத்ததனால்; விதைத்த மென்காதலின்
வித்து  முளைத்ததே  என  -  விதைக்கப்பட்ட  மெல்லிய காதலாகிய
முளைகள்   (உடனே)  முளைத்து  விட்டதைப்போல;  உரோம  ராசி
பொடித்தன  -  அவன் உடம்பில்  உள்ள மயிர்க்கூட்டங்கள் சிலிர்த்து
நின்றன.

பிற     விதைகள் காலந்தாழ்த்து முளைக்கும்; காதல் விதை உடனே
முளைக்கும்  எனக்  கூறி   வியந்தவாறு.   அவள்  பாதம் பட்டவுடன்
அவன்   புளகாங்கிதம்   அடைந்தான்;  உரோமஞ்சலி   உண்டாயிற்று
என்பதை   அழகுற   உருவகித்தார்.   உடம்பைக்   கொல்லையாகவும்.
காதலை   வித்தாகவும்.   விதைத்த   இன்பத்தை   நீராகவும்.  உரோம
ராசியைக்  காதல் முளையாகவும் உருவகித்தார்.  ஒருத்தி  பதைத்தனள்;
உதைத்தலும்  இதைப்  புனல்   நனைத்திட.   விதைத்த  மென்காதலின்
வித்து முளைத்தவே யென உரோம ராசி பொடித்தன எனக் கூட்டுக.  36