உண்டாட்டுப் படலம் - 1083

காதலி மெலிந்தமை நோக்கிக் காதலன் பூரித்தல்

1083.    

பொலிந்த வாள் முகத்தினான்.
   பொங்கி. தன்னையும்
மலிந்த பேர் உவகையால். -
   மாற்று வேந்தரை
நலிந்த வாள் உழவன். ஓர்
   நங்கை கொங்கை போய்
மெலிந்தவா நோக்கி. - தேன்
   புயங்கள் வீங்கினான்.
 
மாற்றுவேந்தரை  நலிந்த  வாள்  உழவன் - பகை மன்னர்களை
வருத்திய வாட்படையையுடைய வீரன் ஒருவன்; ஓர் நங்கை கொங்கை
போய்   மெலிந்தவா   நோக்கி - கொங்கைகள்  (தன்  பிரிவினால்)
மெலிந்து போய் இருப்பதைப் பார்த்து; பொங்கி. தன்னையும் மலிந்த

பேர்     உவகையன்  -  (தன்  மேல்  அவள் வைத்துள்ள காதலின்
அளவை   அம்மெலிவால்   கண்டு)  (மனம்)   பொங்கி.   தன்னையும்
மிஞ்சிய  பேருவகையடைந்தவனாய்;  புயங்கள்  வீங்கினான்  -  தன்
தோள்கள் பூரித்து நின்றான்.

பிரிவில்.    கற்புடையாள் மெலிவு. கணவன் பூரிப்புக்குக் காரணமாம்
என்றபடி.   மாற்று    வேந்தரை   நலியும்  வாள்  உழவன்  பெருமை
முழுவதும் இவள் மெலிவுக்குள் அடங்கிற்று என்றபடி.              37