നിശാഗീതം - ഫെദെറികൊ ഗാര്സിയ ലോര്ക
നിശാഗീതം - ഫെദെറികൊ ഗാര്സിയ ലോര്ക
വിവർത്തനം: ബാലചന്ദ്രൻ ചുള്ളിക്കാട്
മരണം വന്നുപോകുന്നു
മദ്യശാലയിലെപ്പൊഴും.
കരിംകുതിരകൾക്കൊപ്പം
ദുഷ്ടരായ മനുഷ്യരും
തിങ്ങിക്കടന്നുപോകുന്നൂ
ഗിഥാറിൻ താഴ്ന്ന പാതയിൽ.
കടൽത്തീരത്തു കാറ്റത്തു
വിറയ്ക്കും പൂത്തപൊന്തയിൽ
മണക്കുന്നുണ്ടൊരേപോലെ
ഉപ്പും പെണ്ണിന്റെ ചോരയും.
മൃത്യു കേറിയിറങ്ങുന്നു
മദ്യശാലയിലെപ്പൊഴും.
