வரைக்காட்சிப் படலம் - 958

958.

கல் இயங்கு கருங் குற மங்கையர்.
கல்லி அங்கு அகழ் காமர் கிழங்கு எடா.
வல்லியங்கள் நெருங்கு மருங்கு எலாம்.
வல் இயங்கள் நெருங்கி மயங்குமே.
 
கல் இயங்கு - மலையில் வாழுகின்ற; கருங் குற மங்கையர்- கரிய
குறத்தியர்; அங்குக்  கல்லி அகழ் - அம் மலையில் தோண்டி; காமர்
கிழங்கு  எடா  - அழகான கிழங்குகளை எடுப்பதற்காக; வல்லியங்கள்
நெருங்கு  -  புலிகள்  நெருங்கி  வாழும்;  மருங்கு எலாம் - மலைப்
பக்கங்களிலெல்லாம்;  வல்  இயங்கள்  -  (அவற்றை  விரட்ட) வலிய
பறைக் கருவிகள்; நெருங்கி மயங்கும் - மிகுதியாக ஒலிக்கும். 

குறத்தியர்      கிழங்குகளைத்     தோண்டி     எடுக்கவேண்டிய
பருவமாதலால்  குறவர்  பலவகைத்  தோற்கருவிகளை  முழக்குகின்றனர்
என்றார். எடா - செய்யா என்னும் வினையெச்சம்.                31