எழுச்சிப் படலம் - 852

ஒட்டகங்களின் செயல்

ஒட்டகம் சென்ற பான்மை
 
852.    

தள்ள அரும் பரம் தாங்கிய ஒட்டகம்.
தெள்ளு தேம் குழை யாவையும் தின்கில;
உள்ளம் என்னத் தம் வாயும் உலர்ந்தன.
கள் உண் மாந்தரின் கைப்பன தேடியே.
 
தள்ள   அரு- இறக்கி வைக்கமுடியாத; பதம் - பெரிய  சுமையை;
தாங்கிய ஒட்டகம் - சுமந்து சென்ற ஒட்டகம்; தெள்ளு  தேம் குழை-
தெளிந்த  இனிய  தளிர்கள்;  யாவையும்  -  எவற்றையும்;  தின்கில-
தின்னாமல்; கைப்பன தேடி - கசக்கும் வேப்பந்தழை  முதலியவற்றைத்
தேடி;  கள்  உண் மாந்தரில் - கள்ளைக் குடிக்கும் மக்களைப் போல;
உள்ளம் என்ன  -  (தம்)  நெஞ்சு  உலர்ந்தது  போல;  தம் வாயும்
உலர்ந்தன - வாயும் உலர்ந்தன.

கட்     குடியர் பால் முதலிய இனிய   சுவையான பொருள்கள் பல
இருப்பினும்  அவற்றை விரும்பாது  கள்ளைத் தேடி  அலைவது  போல.
இன்சுவைத்  தளிர்  பல  இருப்பினும்  அவற்றை  விரும்பாது ஒட்டகம்
வேப்பந்தழையையே நாடி அலைந்தது;வாயும் நெஞ்சும் உலர்ந்தது.  36