450,యేసుని స్తుతించువారు – నిత్య జీవము నొందెదరు

యేసుని స్తుతించువారు – నిత్య జీవము నొందెదరు
ఆనందముతో అనుదినము – సంతోషముతో నుందురు
ఆహా హల్లెలూయా-ఆహా హల్లెలూయా (2)

1.వాడబారని ఆకువలె – దినదినము బలమొందెదరు
   జీవజలపునది యొడ్డున – వృక్షములవలె పెరిగెదరు IIఆహాII

2.చీకటి నుండి వెలుగునకు – మరణము నుండి జీవముకు
   చేయి విడువడక తనతో కూడ – యేసే నడిపించునుIIఆహాII

3.చీకు చింతలు కలిగిననూ – చెరలో దుఃఖము కలిగినను
   కనురెప్పవలె కాపాడి – యేసే విడిపించును IIఆహాII

4.నడి సంద్రములో పయనించినా – నట్టడవులలో నివసించినా
ఎన్నడు విడువక మరువకను యేసే తోడుండును     IIఆహాII