367,ఓ మానవా నీ పాపం మానవా

ఓ మానవా నీ పాపం మానవా ` 
యేసయ్య చెంత చేరి నీ బ్రతుకు మార్చవా ‘2’
      
పాపములోనే బ్రతుకుచున్నచో చెడును నీ దేహము `
పాపములోనే మరణించినచో తప్పదు మరణము ‘2’  

1. ఎంతకాలము పాపములోన బ్రతుకుచుందువు ` 
ఎంతకాలము శాపములోనే కొట్టబడుదువు
ఎంతకాలము వ్యసనపరుడవై తిరుగుచుందువు ` 
ఎంతకాలము దుఖ:ములో మునిగియుందువు
యేసుని నమ్మి పాపము నుండి విడుదల పొందుము` 
యేసయ్య తన రక్తముతో నీ పాపం కడుగును  ‘2’ ‘ ఓ మానవా’  

2.ఎంతకాలము దేవుని విడిచి తిరుగుచుందువు ` 
ఎంతకాలము దేవుడు లేక బ్రతుకుచుందువు
 ఎంతకాలము దేవుని మాటను ఎదిరించెదవు ` 
ఎంతకాలము దేవుని నీవు దు:ఖపరతువు
యేసయ్యే నీ పాపం కొరకు ప్రాణం పెట్టెను ` 
యేసయ్యే నిను రక్షించి పరమున చేర్చును ‘2’ ‘ఓ మానవా ’