359,ఏ పాపమెరుగని యో పావన

ఏ పాపమెరుగని - యో పావన మూర్తి - పాప విమోచకుండ
నా పాలిదైవమా - నా పాపముల కొర - కీపాట్లు నొందినావా

1.ముళ్ళతో కిరీట - మల్లి నీ శిరముపై - జల్లాటమున మొత్తిరా
    ముళ్ళ పోట్లకు శిరము - తల్లడిల్లగ సొమ్మ - సిల్లిపోతివ రక్షకా

2.కలువరిగిరి దనుక - సిలువ మోయలేక - కలవరము నొందినావా
    సిలువ నీతో మోయ - దులువలు వేరొకని - తోడుగా నిచ్చినారా

3.చెడుగు యూదులు బెట్టు - పడరానిపాట్లకు - సుడివడి నడిచినావా
   కడకు కల్వరిగిరి - కడకేగి సిల్వను - గ్రక్కున దించినావా

4.ఆ కాలకర్ములు - భీకరంబుగ నిన్ను - యా కొయ్యపై నుంచిరా
   నీ కాలు సేతులు - ఆ కొయ్యకే సూది - మేకులతో గ్రుచ్చినారా

5.పలు విధంబుల శ్రమలు - చెలరేగ దండ్రికి - నెలుగెత్తిమొరలిడితివా
   సిలువపై బలుమారు - కలుగుచుండెడి బాధ - వలనదాహమునాయెనా

6.బల్లిదుండగుబంటు - బల్లెమున నీ ప్రక్క - జిల్లబడ బొడిచినాడా
   ఉల్లోలములవలె - నల్ల నీరుబుకంగ - జల్లారెగదె కోపము

7.కటకటా పాపసం - కటము బాపుటకింత - పలు బాధనొందినావా
   ఎటువంటిదీ ప్రేమ - ఎటువంటిదీ శాంత - మెటులవర్ణింతు స్వామి