326,స్తోత్రం చెల్లింతుము

స్తోత్రం చెల్లింతుము స్తుతి స్తోత్రం చెల్లింతుము
యేసు నాథుని మేలులు తలంచి ||స్తోత్రం||

1.దివారాత్రములు కంటిపాపవలె కాచి
దయగల హస్తముతో బ్రోచి నడిపించితివి ||స్తోత్రం||

2.గాడాంధకారములో కన్నీటి లోయలలో
కృశించి పోనీయక కృపలతో బలపరచితివి ||స్తోత్రం||

3.సజీవ యాగముగా మా శరీరము సమర్పించి
సంపూర్ణ సిద్దినొంద శుద్ధాత్మను నొసగితివి ||స్తోత్రం||

4.సీయోను మార్గములో పలుశోధనలు రాగా
సాతాన్ని జయించుటకు విశ్వాసము నిచ్చితివి ||స్తోత్రం||

5.సిలువను మోసుకొని సువార్తను చేపట్టి
యేసుని వెంబడింప ఎంత భాగ్యము నిచ్చితివి ||స్తోత్రం||

6.పాడెద హల్లెలూయా మరనాత హల్లెలూయా
సద పాడెద హల్లెలూయా ప్రభుయేసుకే హల్లెలూయా ||స్తోత్రం||