270,రండి సువార్త సునాదముతో

రండి సువార్త సునాదముతో - రంజిలు సిలువ నినాదముతో
తంబుర సితార నాదముతో - ప్రభు యేసు దయానిధి సన్నిధికి

1.యేసే మానవ జాతి వికాసం - యేసే మానవ జాతి విలాసం -
యేసే పతిత పావన నామం - భాసుల క్రైస్తవ శుభనామం ||రండి||

2.యేసే దేవుని ప్రేమ స్వరూపం - యేసే సర్వేశ్వర ప్రతిరూపం
యేసు ప్రజాపతి పరమేశం - ఆశ్రిత జనముల సుఖవాసం ||రండి||

3.యేసే సిలువను మోసిన దైవం - యేసే ఆత్మల శాశ్వత జీవం
యేసే క్షమాపన అధికారం - దాసుల ప్రార్ధన సహకారం    ||రండి||

4.యేసే సంఘములో మన శాంతి - యేసే హృదయములో ఘనశాంతి -
యేసే కుటుంబ జీవన జ్యోతి - పసిపాపల దీవెన మూర్తి ||రండి||

5.యేసే జీవన ముక్తికి మార్గం - యేసే భక్తుల భూతల స్వర్గం 
యేసే ప్రపంచ శాంతికి సూత్రం - వాసిగ నమ్మిన జనస్తోత్రం ||రండి||