260,యేసు రాజుగా వచ్చుచున్నాడు

యేసు రాజుగా వచ్చుచున్నాడు
భూలోకమంతా తెలుసుకుంటారు
రవికోటి తేజుడు రమ్యమైన దేవుడు (2)
రారాజుగా వచ్చుచున్నాడు యేసు (2)

1.మేఘాల మీద యేసు వచ్చుచున్నాడు 
పరిశుద్ధులందరిని తీసుకుపోతాడు (2)
లోకమంతా శ్రమకాల విడువబడుట బహుగోరం (2) ||యేసు||

2.ఏడేళ్ళ పరిశుద్ధులకు విందౌ బోతుంది
ఏడేళ్ళ లోకము మీదకి శ్రమరాబోతుంది (2)
ఈ సువార్త మూయబడున్‌ వాక్యమే కరువగును (2) ||యేసు||

3.వెయ్యేళ్ళ ఇలపై యేసురాజ్యమేలును
ఈలోక రాజ్యాలన్నీ ఆయన ఏలును     (2)
నీతి శాంతి వర్ధిల్లున్‌ న్యాయమే కనబడును (2) ||యేసు||

4.ఈ లోక దేవతలన్నీ ఆయన ముందర
సాగిలపడి నమస్కరించున్‌ గడగడలాడును (2)
వంగని మోకాళ్ళని యేసయ్యా ఎదుట వంగిపోవును (2) ||యేసు||

5.సోదరుడా మరువద్దు ఆయన రాకడ
కనిపెట్టి ప్రార్ధన చేయుము సిద్ధముగా నుండి    (2)
రెప్పపాటులో మారాలి యేసయ్య చెంతకు చేరాలి (2) ||యేసు||