198,నీవెన్నాళ్ళు రెండు తలంపులతో

నీవెన్నాళ్ళు రెండు తలంపులతో
కుంటి కుంటి నడిచెదవీవు
యెహోవాయే నీ దేవుడా
లేక వేరే దేవతలున్నారా (2)

1.మనం తీర్మానించెదమిప్పుడే
మన నోట వంచన లేకుండా (2)
మరుగైన పాపములన్నిటిన్
హృదయమునుండి తొలగించెదం (2) ||నీవెన్నాళ్ళు||

2.మారు మనస్సు పొందెదమిప్పుడే
జీవిత మోసములనుండి (2)
పరిశుధ్ధులమై నిర్దోషులుగా
ప్రభు దినమందు కనబడెదం (2) ||నీవెన్నాళ్ళు||

3.నేను నా ఇంటివారలము
యెహోవానే సేవించెదము (2)
నీవెవరిని సేవించెదవో
ఈ దినమే తీర్మానించుకో (2) ||నీవెన్నాళ్ళు||