189,నీ వాక్యమే నన్ను బ్రతికించెను

నీ వాక్యమే నన్ను బ్రతికించెను - బాధలలో నెమ్మది నిచ్చెను
కృపాసత్య దయాశక్తి సంపూర్ణుడా 
వాక్యమై యున్న యేసు వందనమయ్య  ||నీ వాక్యమే||

1.పాలవంటిది జుంటితేనె వంటిదీ
నా జిహ్వకు మహా మధురమైనది
మేలిమి బంగారుకన్న మిన్న అయినది
రత్న రాసులకన్న కోరదగినది ||నీ వాక్యమే||

2.జిగటగల ఊబి నుండి లేవనెత్తెను
సమతలమగు భూమిపై నన్ను నిలిపెను
నా పాదములకు దీపమాయెను
సత్యమైన మార్గములో నన్ను నడిపెను ||నీ వాక్యమే||

3.శత్రువులను ఎదుర్కొనే సర్వాంగ కవచమై
యుద్ధమునకు సిద్ధమనస్సు నిచ్చుచున్నది
అపవాది వేయుచున్న అగ్నిబాణములను
ఖడ్గమువలె అడ్డుకొని ఆర్పివేయుచున్నది ||నీ వాక్యమే||