வரைக்காட்சிப் படலம் - 952

அம் மலையின் வருணனை ((952-960))

சிறந்த மலைக் காட்சிகள்

கலிவிருத்தம்
 
952.

ஈனும் மாழை இளந் தளிர் ஏய் ஒளி
ஈனும். மாழை இளந் தளிரே - இடை.
மானும். வேழமும். நாகமும். மாதர் தோள்
மானும் வேழமும். நாகமும் - மாடு எலாம்.
 
இடை     ஈனும் -  (அம் மலையின்) நடுப்பாகத்தில் தளிர்க்கின்ற;
மாழை  இளந்தளிர் ஏய் - மாமரத்தின் இளைய தளிரையொத்த; ஒளி
ஈனும்  மாழை  -  ஒளியைத்  தரும்  பொன்னின்;  இளந் தளிரே -
மெல்லிய   தகடுகளாகும்;   மாடு   எலாம்   -   அந்த   மலையின்
பக்கங்களிலெல்லாம்; மானும் வேழமும் - மானும் யானையும்; நாகமும்
-  பாம்பும்;  மாதர் தோள்  மானும்  -  மகளிரின்  தோளையொத்த
தன்மையைக்   கொண்ட;   வேழமும்   நாகமும்   -  மூங்கில்களும்
சுரபுன்னை மரங்களும் (உள்ளன). 

யமகம்  என்னும்  மடக்கணி. மாழை: மாமரம். பொன். நாகம்: பாம்பு.
சுரபுன்னை.                                                25