மிதிலைக் காட்சிப் படலம் - 613

613.

சொரிந்தன நறு மலர் சுறுக் கொண்டு ஏறின;
பொரிந்தன கலவைகள். பொரியின் சிந்தின;
எரிந்த வெங் கனல் சுட. இழையில் கோத்த நூல்
பரிந்தன; கரிந்தன. பல்லவங்களே.
 
(அப்பொழுது)  சொரிந்தன - படுக்கையில் பரப்பிய;  நறுமலர் -
மணமுள்ள மலர்கள்; சுறுக்குண்டு ஏறின  - (அவளுக்கு  மென்மை
செய்யாமல்) கூர்மையாகித்   (உடம்பில்)   தைத்தன;   பொரிந்தன
கலவைகள் - (அவளது  உடம்பின் காமத் தீயால்) பொரிந்து போன
கலவைச்  சந்தனங்கள்; பொரியின் -  சிந்தின தீப்பொறிகள் போல
உதிர்ந்தன; எரிந்த   வெங்  கனல்   சுட - (அவளது  உடம்பில்
பற்றி) எரிகிற காமத்தீயானது   சுடுவதால்;   இழையில்    கோத்த
- அணிகலன்களில் கோக்கப்பட்டுள்ள; நூல்  பரிந்தன  -  நூல்கள்
அறுபட்டு    நீங்கின;   பல்லவங்கள் -  (படுக்கையில்  பரப்பட்ட)
தளிர்கள் கரிந்தன - கரிந்து போயின.  

சுறுக் கொள்ளுதல் தீய்ந்து சுருளுதல்;கூர்மையை அடைதல்       50