பூக் கொய் படலம் - 1009

ஒரு பெண்ணின் புருவக்கடை முனிவரையும்
வெல்லும்

கலிவிருத்தம்
 
1009.

‘ஊக்கம் உள்ளத்து உடைய முனிவரால்
காக்கல் ஆவது. காமன் கை வில்’ எனும்
வாக்கு மாத்திரம்; அல்லது. வல்லியில்
பூக் கொய்வாள் புருவக் கடை போதுமே!
 
‘உள்ளத்து  ஊக்கம் உடைய - (தவம் புரிவதில்) மனத்தில் ஊக்கம்
(மிகக்)  கொண்ட; முனிவரால் - முனிவர்களிடத்தில்; காமன் கை வில்
காக்கல்  ஆவது  எனும் - காமன் வில்லின் ஆற்றலைக் காக்கத் தக்க
ஆற்றல்  உண்டு என்று  (உலகில்) சொல்லப்படுகின்ற; வாக்குமாத்திரம்
அல்லது  -  வாய்ச்   சொல்மட்டும்  (பிரபலமே)  யன்றி (உண்மையை
ஆராய்ந்தால்   அம்முனிவர்களின்    ஆற்றலைப்   பொடியாக்குதற்கு);
வல்லியில்   பூக்கொய்வாள்   -  பூங்கொடிகளிலிருந்து   பூக்களைக்
கொய்யும்  ஒருத்தியின்;  புருவக்  கடைபோதும் - புருவத்தின் நுனிப்
பகுதியின் கடைப் பார்வையே போது மானதாகும். 

முனிவரால்  - உருபு மயக்கம். “கண்களவு கொள்ளும் சிறு நோக்கம்
காமத்தின்   செம்பாகம்   அன்று  பெரிது”  (திருக்.  1092)  ஆதலின்.
முனிவர்களின்   தவமுயற்சியை   யழிக்கப்   புருவ   வில்லை  மகளிர்
முழுதும்  வளைக்கத்   தேவையின்றிக்   கடைப்பகுதியின்   வளைப்பே
போதுமென்பார்.   “புருவக்கடை   போதுமே”  என்றார்  -  ஏ- அசை.
“கறையடிக்  களி  யானையின்  வரவினைக்  கண்டு.  மறுகின்  உற்றவர்
இரிதர  மணி  மருங்கிடல்  போல்.  உறு தவத்தினர்  அறிந்தனர்  ஓட
ஒண்ணுதற்கு.  நறு மலர்ப் பதத்து அணிந்தனள்  சிலம்பு  ஒரு  நங்கை”
(பிரபு. லீலை) எனும் பாடல் ஒப்பு நோக்கற்பாலது.                35