நீர் விளையாட்டுப் படலம் - 1045

சூரியன் மறைதல்

கதிரவன் கடல் புகலும் சந்திரன் எழுச்சியும்
 
1045.

மானின் நோக்கியர் மைந்தரொடு ஆடிய
ஆன நீர் விளையாடலை நோக்கினான்;
தானும். அன்னது காதலித்தான் என்.
மீன வேலையை. வெய்யவன் எய்தினான்.
 
மானின்   நோக்கியர் -  மான் கண்களை ஒத்த விழிகள் கொண்ட
மங்கையர்;  மைந்தரொடு  ஆடிய  -  ஆடவரோடு நிகழ்த்திய; ஆன
நீர்விளையாடலை  -  (காணத்)தக்க நீர் விளையாடலை; நோக்கினான்
வெய்யவன்   -   நோக்கினவனான   கதிரவன்;   தானும்  அன்னது
காதலித்தான்  என  -  தானும்   அந்த  நீர்  விளையாடல்  நிகழ்த்த
விரும்பியவனைப்  போல;  மீன்  வேலையை  எய்தினான் - மீன்கள்
நிரம்பி?யுள்ள (மேலைக்) கடலையடைந்தான். 

சிறந்த     விளையாடல்களைப் பார்த்தவர்கள். தாமும் அவ்வாடலை
ஆட.  உடனே   மனக்கிளர்ச்சியுறுதல்   இயல்பாதலின்  அம்மனவியல்
உணர்ந்த கவிஞர் கதிரவன் மறைவை  இவ்வாறு  அணியுறக் கூறினார் -
தற்குறிப்பேற்ற  அணி.  அவர்கள்  விளையாடியது  நீர்  விளையாட்டே
ஆதலின் தானும் அந்நீர் விளையாட பெரு நீர்  நிலையமாகிய  கடலில்
கதிரவன் இறங்கினான்.                                      32