கடிமணப் படலம் - 1274

1274.    

தப்பின மணி காசும். சங்கமும். மயில் அன்னார்
ஒப்பனை புரி போதும். ஊடலின் உகு போதும்.
துப்பு உறழ் இள வாசச் சுண்ணமும். உதிர் தாதும்.
குப்பைகள் என. வாரிக்கொண்டனர் களைவாரும்.
 
மயில்  அன்னார்  -  மயில்  அனைய சாயற் பெண்டிர்; ஒப்பனை
புரிபோதும்   -   அலங்காரம்   செய்கின்ற   காலத்தும்;   ஊடலின்
உகுபோதும் - ஊடற்காலத்தில்  வெகுண்டு வீசுகிற காலத்தும்; தப்பின
மணிகாசும் சங்கமும் துப்புறழ் இளவாசச்சுண்ணமும் உதிர்தாதும் -
உதிர்ந்து   வீழ்ந்த   மணிகளையும்.   (தங்கக்)   காசுகளையும்.   சங்கு
வளையல்களையும்.  பவழம்போன்று   சிவந்த   மெல்லிய  வாசமுடைய
நறுமணப்பொடிகளையும்.   உதிரும்   இயல்புடைய   பூந்துகள்களையும்;
குப்பைகள்  எனவாரிக் கொண்டனர்  களைவாரும் - (களையத்தக்க)
குப்பைகள் போல. குவியலாக  வாரித்திரட்டிக்கொண்டு  போய் அப்பால்
எறிபவர்களும் (ஆயினர்).  

விலையுயர்ந்த   வெனக்கருதும்.  பொருள்கள்   எல்லாம் அந்நகரப்
பெண்டிர்க்கு  மிக  இழிந்த குப்பைகளாயின  என்று  நகரின் மிகுவளம்
கூறியவாறு.  மிதிலை  நகரத்துக்   குப்பைகளின்  மூலப்   பொருள்கள்
இவையென வியந்த வாறுமாம்.                                30