எழுச்சிப் படலம் - 854

பெண்யானையின் மீதிருந்த பெண்கள் செயல்

பிடியின்மேல் ஏகும் மங்கையர்
 
854.    

பித்த யானை பிணங்கி. பிடியில் கை
வைத்த. மேல் இருந்து அஞ்சிய மங்கைமார்.
எய்த்து இடுக்கண் உற்றார். புதைத்தார்க்கு இரு
கைத்தலங்களில் கண் அடங்காமையே.
 
பித்த  யானை- வெறி பிடித்த யானைகள்; பிணங்கி -  மாறுபட்டு;
பிடியில்  கை  வைத்த - பெண்யானைகளின் மேல் கையை வைத்தன;
மேல்  இருந்து  அஞ்சிய  -  (அப்போது)  அப் பெண் யானைகளின்
மேல் இருந்து அஞ்சிய; மங்கைமார் - மகளிரின்; கண் புதைத்தார்க்கு
-   (இரு  கைகளாலும்)   கண்களை  மூடத்  தொடங்கியவர்க்கு;  இரு
கைத்தலங்களில்  -   இரண்டு  கைகளுக்குள்;  அடங்காமை-  (அக்
கண்கள்) அடங்காமையால்;  எய்த்து- (அவர்கள்) இளைத்து; இடுக்கண்
உற்றார் - வருத்தம் அடைந்தார்கள்.

பிடியின்     மேல்  இருந்த  பெண்கள்  அஞ்சிக்      கண்களைப்
புதைத்தனர்  என்பது. கண்கள் கைகளில்  அடங்காமையால்   அவர்கள்
மிக வருந்தினர்.                                            38