எழுச்சிப் படலம் - 845

சேனையின் செறிவு

845.    

தோள் மிடைந்தன. தூணம் மிடைந்தென;
வாள் மிடைந்தன. வான்மின் மிடைந்தென;
தாள் மிடைந்தன. தம்மி மிடைந்தென;
ஆள் மிடைந்தன. ஆளி மிடைந்தென;
 
தூணம்    - கல்தூண்கள்; மிடைந்து என - நெருங்கினாற் போல;
தோள் மிடைந்தன - (வீரர்களின்) தோள்கள் நெருங்கின; வான்மின் -
வானத்து  மின்னல்கள்;  மிடைந்து  என - நெருங்கியிருந்தாற் போல;
வாள்  மிடைந்தன  - (அவர்களின்) வாட்படைகள் நெருங்கின; தம்மி
மிடைந்து  என  - தாமரைமலர் பின்னிய போல; தாள் மிடைந்தன -
பாதம்  நெருங்கின;  ஆளி  மிடைந்து என - யாளிகள் நெருங்கினாற்
போல; ஆள் மிடைந்தன - காலாட் படைகள் நெருங்கின.

வீரர்கள்     ஒருவரோடு ஒருவர் கைகலந்தாற்   போல   அவர்கள்
பாதங்களும்  நெருங்கின.  உவமையணியும்.  சொற்பொருள்    பின்வரு
நிலையணியும்  சேர்ந்து  அமைந்துள்ளன.  தூணம்  - தூண்   (அம் -
சாரியை)                                                  29