எழுச்சிப் படலம் - 842

பிரிந்த காதலன் பேதுறுதல்

ஓர் ஆடவன் நிலை
 
842.    

பிள்ளை மான் நோக்கியைப் பிரிந்து போகின்றான்.
அள்ளல் நீர் மருத வைப்புஅதனில். அன்னம்ஆம்
புள்ளும் மென் தாமரைப் பூவும் நோக்கினான்.
உள்ளமும் தானும் நின்று ஊசலாடினான்.
 
பிள்ளை  மான் நோக்கியை- இளைய மான் போன்ற  கண்களைக்
கொண்ட  காதலியைப்; பிரிந்து  போகின்றான் - பிரிந்து செல்லுகின்ற
ஓர்  ஆடவன்;  அள்ளல்நீர் - சேரும் நீரும் நிறைந்த; மருத வைப்பு
அதனில் - மருத நிலத்தில் (வயல்); அன்னமாம் புள்ளும் -  அன்னப்
பறவையையும்;     மென்தாமரைப்     பூவும்     -     மெல்லிய
தாமரைமலர்களையும்;  நோக்கினான்  -  பார்த்து  (தன்  மனைவியின்
நடையும்.  அடிகளும் நினைவுக்குவர) ; உள்ளமும் தானும் -  மனமும்
தானுமாக;  நின்று  -  தனியாக நின்று; ஊசல் ஆடினான்;- ஊஞ்சல்
போலத் தடுமாறினான்.

தாமரைப்     பூவையும் அன்னத்தையும் ஓர்    ஆடவன் வயலிலே
கண்டதும்  தன்  மனைவியின்  அடிகளும். நடையழகும்    நினைவிற்கு
வந்தன   என்பது.   அவளை  அவன்  பிரிந்தமையால்    அவற்றைக்
காணமுடியவில்லையே என்று வருந்தினான்.                      26