பெருமை

தூணுல சாஞ்சு-நீங்க துரைகளோட வாதாடி
தூணும் துணுக்கிட-உங்க
துரை அடிமை வாக்குரைப்பான்
கல்லில சாஞ்சு-நீங்க
கணக்கனுட வாக்குரைக்க
கல்லும் துணிக்கிட்டா-அந்தக்
கணக்கனுமே வாக்குரைப்பான்
விரலும் கணக்கெழுதும்-உங்க
வெள்ளை மொழி தூதாகும்-உங்க
கையும் கணக்கெழுதும்-உங்க
கருத்த மொழி தூதாகும்
சட்டிமேல் சட்டி வச்சு-நான்
சரியாய் பிழைச்சு வந்தேன்
சட்டி கவுந்ததென்ன?-எனக்கு
சனியன் தொயந்த தென்ன?
மடிகட்டிக் கல் எறக்கி
மண்டபங்கள் உண்டு பண்ணி,
கோபுரத்தின் கீழே நான்
குழந்தை குடியிருந்தேன்,
கூடவித்துக் கல்லெறக்கி,
கோபுரங்கள் உண்டு பண்ணி,
கோபுரத்தின் கீழே-நான்
குழந்தை குடி இருக்கேன்,
பொங்கி பொரிச்சுவச்சு-நான் 
புளியம் பூச் சோறாக்கி ;
பொங்கிய சோறு உங்கக்குள்ள-எனக்குப்
போட்டானே கெடியாரம்
ஆக்கி அடுக்கி வச்சு-நான்
ஆவாரம்பூச் சோறாக்கி
ஆக்கின சோறு உங்கக்குள்ள-எனக்கு
அடிச்சானே கெடியாரம் !
-------