Na rĩĩrĩ, Adamu agĩgĩkoma na mũtumia wake, naake akĩgĩa nda, agĩciara kaana ga kahĩĩ. Naake akiuga atĩrĩ, “Nĩngĩĩte na kaana ga kahĩĩ na ũndũ wa gũteithio nĩ MWATHANI.” Kwoguo agĩgatua Kaini.

Ngai akĩmwĩra atĩrĩ, “Oya mũũrũguo ũrĩa wa mũũmwe, ũrĩa wendeete mũno, ũthiĩ bũrũri wa Moria ũkamũrute igongoona kĩrĩmainĩ kĩmwe kĩrĩa ngũkuonia.”

Jakubu nĩakomire na Rakeli, na akĩmwenda gũkĩra Lea. Agĩcooka akĩrutĩra Labani wĩra mĩaka ĩngĩ mũgwanja.

Na rĩĩrĩ, Kaini agĩkoma na mũtumia wake, naake akĩgĩa nda, agĩciara kaana ga kahĩĩ, agĩgatua Enoku. Agĩcooka agĩaka itũũra, akĩrĩĩtania na mũũrũwe Enoku.

Agĩcooka akĩhĩtũkĩra mbere yake akĩanĩrĩra atĩrĩ, “Nĩ niĩ MWATHANI Ngai, nĩnjiguanagĩra tha mũno na ngakinyĩria andũ wega wakwa, ndihiũhaga kũraakara, na njiyũirwo nĩ wendo na ũhoro wa ma.

Ndũkeerĩhagĩrie harĩ mũndũ o wothe kana ũmũiguagĩre ũũru; eendaga mũndũ ũrĩa ũngĩ o ta ũrĩa wĩyendeete wee mwene. Niĩ nĩ niĩ MWATHANI.

Meekageei o ta ũrĩa mwĩkaga Aisiraeli arĩa angĩ, na mũmeendage o ta ũrĩa inyuĩ eene mwĩyendeete. Inyuĩ-rĩ, ririkanagaai atĩ hĩndĩ ĩmwe mwarĩ ageni bũrũriinĩ wa Misiri. Niĩ nĩ niĩ MWATHANI Ngai wanyu.

Rĩu, MWATHANI, ngũgĩkũhooya nĩ ũndũ wa wendo waku mũnene na ũtagarũrũkaga wohere andũ aya meehia maao, o ta ũrĩa ũtũire ũmoohagĩra kuuma rĩrĩa moimire Misiri.”

Nawe enda MWATHANI Ngai waku na ngoro yaku yothe, na muoyo waku wothe, o na hinya waku wothe.

“Rĩu-rĩ, inyuĩ andũ aya a Isiraeli, tathikĩrĩriai mũigue ũrĩa MWATHANI Ngai wanyu arĩendaga mwĩkage: thaathayagiai MWATHANI na mwĩkage ũrĩa wothe aathanĩĩte. Mwendageei na mũtungatagĩreei na ngoro yothe na muoyo wothe,